Atlas
Cенің ғарышқа саяхатың
Экстерьері
Atlas бағдарламасын ашып, әлемді зерттеңіз
Өзіңізді ғарыш кемесінің ұшқышы ретінде сезініңіз! Geely ұсынған жаңа кроссовер – бұл заманауи технологиялардың астрономиялық формалармен бірігуі. Автомобиль бейіні шанақ сызығымен, тегіс шатырымен және рельефті бүйірлерімен көзге түседі, олар теңдессіз қуат пен грация сезімін тудырады. Geely символының айналасындағы жарық элементтері алдыңғы қасбетке ғарыштық келбет бере отырып, массивті радиатор торына назар аудартады. Кроссовердің артқы бөлігіне Y-тәрізді фараларға ауысатын аса ашық қызыл жарық диодтар сызығы көрік береді.
Екі түсті реңкі
Эксклюзивті нұсқаның түсі қара және негізгі түстен тұрады. Шатыр, рейлингтер, айналар, артқы спойлер, бампердің сәндік жолақтары сияқты қара элементтер айқын шанақты баса көрсетеді. Негізгі түсті ақ, күміс, қою жасыл, көк немесе толық қара реңктерден таңдауға болады.
Алдыңғы көрініс
Радиатор торы шексіз ғарыштағы радиотолқындарға ұқсайды. Геометриялық өрнектер әдемі жарықтық және көлеңкелі әсер жасай отырып, фаралардың жарығымен шағылысады. Күндізгі жүріс шамдары ұзын құйрықты ақ түсті кометаларға ұқсайды. Дизайны нақтыланған жарық диодты фаралар тобы және Geely-дің жарқыраған эмблемасы алдыңғы бамперді безендіріп, жұлдызды аспан тәрізді көрінеді. Бұл элементтердің үйлесімі Atlas-тың визиттік картасына айналады.
Алдыңғы оптика
Жарқын болашақ Geely Atlas-тан басталады! Цифрлық жарық диодты фаралар автомобиль қауіпсіздігінде жаңа стандарттарды орнатады. Бұл биіктігі тігінен небәрі 15 мм болатын, жарығы 168 метрге жететін алғашқы қысаң қос жарықдиодты линзалар. Олардың қуаттылығы соншалықты, бір автомобильдің өзі футбол алаңын да жарықтандыра алады.
Артқы жүріс фаралары
Артқы бөлігі әсем және заманауи Y-тәрізді фараларға бірқалыпты ауысатын жебеге ұқсайтын цифрлық шамдардың әсерлі жолағымен безендірілген. Олар толқын ұзындығы 633 нм болатын 290 суперқызыл жарық диодтардан тұрады. Микроскоптар мен скафандрлардың окулярларында пайдаланылатын екі қабатты поликарбонатты қолдану фаралардың жарығын судай таза және мөлдір етуге мүмкіндік береді.
Құйма дискілер
R20 өлшемді дискілер автомобильге неғұрлым әсерлі және спорттық көрініс береді. Дөңгелектер қарама-қарсы қара және күміс түстес бөлшектердің жіңішке қырларымен назар аудартады. Алюминий қорытпасын төмен қысыммен құю процесінің арқасында дөңгелектер ең жоғары жүктемелерге төтеп беруге дайын. Ал олардың формасы аэродинамикалық қарсылық коэффициентін төмендетуге мүмкіндік береді.
Жоғары өнімді спорт шиналары
Goodyear Eagle шиналары барынша жоғары өнімділік пен қауіпсіздікті қамтамасыз етеді. Жабысқақ шайырдың адгезиясы жолмен жақсы тіркесім береді. Жермен байланыс алаңының ұлғаюының арқасында тежеу жолы әлдеқайда қысқарды. Күшейтілген конструкция бұрылыстардың жайлы өтуін, протектордың тозуын азайтады және отын үнемдеуді арттырады.
Интерьері
Әсем, заманауи, жоғары дәрежелі
Geely Atlas-тың ішкі кеңістігі ғарышта жүргендей және болашаққа түскендей сезім тудырады. Былғары орындықтар жолаушыларға ұзақ сапарлар кезінде де, қалалық кептелістер кезінде де қолайлы жағдай жасайды. Салон музыкалық жүйемен үндестірілетін жарық диодты жарықпен безендірілген. Үлкен люк күн мен жұлдызды аспанды тамашалауға мүмкіндік береді. Сандық аспап тақтасы 10,2 дюймдік экранмен жабдықталған. Мультимедианың 13,2 дюймдік сенсорлық дисплейі функциялар мен ойын-сауықтардың кең спектріне қол жеткізуге мүмкіндік береді.
Орындықтар дизайны
Салонның алдыңғы бөлігінде перфорланған терімен қапталған креслолар орнатылған. Олардың эргономикалық конструкциясы жүргізуші мен жолаушыға сапарлар кезінде барынша жайлылықты қамтамасыз етеді. Артқы орындықтардың жоғары жұмсақтықтағы арқалықтары, ыңғайлы бас тіреуіштері және қайырмалы шынтақ таяныштары бар.
Жүргізушінің орындығы
Жүргізушінің Air-Sofa орындығы - CATARC ұсынған алғашқы сертификатталған Comfort Star креслосы. Анатомиялық ерекшеліктер ескеріле отырып жасалған: су негізіндегі микроталшықты қаптаманың ішкі толтырылуы жүргізуші денесінің контурына бейімделген. Реттелетін аяқ қойғыш тізеге күш түсуді жоюға көмектеседі және ұзақ саяхатты барынша жайлы етеді. Электрлік реттеудің 6 бағыты және бел ұстаудың 4 бағыты креслоны өз қалауларына қарай теңестіруге мүмкіндік береді.
Сыйымды кеңістік
Geely Atlas өз классындағы ең үлкен дөңгелек базасымен мақтана алады. Автомобильдің іші кең, аяқ қоятын ыңғайлы кеңістігі мен кең орындықтары бар. Заттарды сақтауға арналған 32 бөлік салонның әр түрлі жерлерінде - есіктерде, консольдарда, артқы қатардағы шынтақ таяныштарда, орталық консольда, жүксалғышында және алдыңғы орындықтың арқасында ыңғайлы орналастырылған.
Жүксалғыш бөлімігің үлкен көлемі
Geely Atlas-тың өз классындағы айырықша жүксалғышында 650 литрге дейінгі жүк сыяды, бұл үлкен заттарды тасымалдауды өте ыңғайлы етеді. Қосарланған түбі астында 67 литрлік органайзер бар. Заттарды сақтауға арналған 4 бөлік кеңістікті ұйымдастыруға және айтарлықтай ұсақ заттарды қауіпсіздікте тасымалдауға көмектеседі. Артқы орындықтарды 3:2 арақатынасында жинауға болады, соның арқасында орындықтар бетін мейілінше жазық етіп, жүксалғыш көлемін 1610 литрге дейін ұлғайтуға болады.
Руль дөңгелегі
Жоғары сапалы былғарымен қапталған 4 позициялы қол дөңгелегі көлік жүргізу кезінде жағымды жанасу сезімдерін сыйлайды. Рульдің жылытылуы жылдың суық мезгілінде қолдарыңызға жылу мен жайлылық береді. ZF компаниясының электр күшейткіші бар рульдік басқару жоғары өнімділікті, жылдам реакцияны және шудың төмен деңгейін қамтамасыз етеді.
Берілісті ауыстырып қосудың кристалдық селекторы
Лазерлік гравировка гауһар қырлаушының шеберлігімен салыстыруға болатын әсерлі үш өлшемді өрнектер жасайды. Көлігіңіздегі берілістерді ауыстыру кезінде жайлылық пен стильдің үйлесімділігінен ләззат алыңыз.
Люгі бар панорамалық шатыр
Жетекші INALFA өндірушісі Atlas үшін көлемі 1,2 м ² панорамалық люк жасады, бұл аспанды барынша көру мүмкіндігін береді. Қашықтықтан басқарудың көмегімен салондағы желдеткішті оңай реттеуге болады. Егер автомобиль жүріп келе жатқан кезінде жаңбыр жауып кетсе, интеллектуалдық жүйе автоматты түрде люкті жабады.
Сандық аспаптар тақтасы
Аспаптар тақтасы 10,2 дюймдік көп түсті СК-дисплей түрінде берілген. Спидометр мен тахометр шкалаларынан басқа танылған белгілер туралы ақпарат және автомобильдің жай-күйі туралы басқа да маңызды деректер көрсетіледі. Шағылыстыру коэффициентінің төмендігі мен жоғары түс берудің арқасында Сіз экранды ашық күн жарығында да нақты көре аласыз.
Орталық консоль
Бұл үлкен түрлі-түсті 13,2 Ultra HD-дисплей түріндегі сенсорлық экраны тік орналасқан нағыз ойын-сауық және ақпараттық орталық. 16 гигабайт жедел жадпен және 128 гигабайт ішкі жадпен Сіздерде деректерді, мультимедиялық файлдар мен қосымшаларды сақтауға арналған орындар көп болады. Bluetooth арқылы дыбысты ағынды тарату Сіздің құрылғыларыңыздан музыканы ойнату жеңілдігін қамтамасыз етеді.
HARMAN INFINITY 9 дыбыс жүйесі
Премиалды Hi-Fi колонкалары бар люкс деңгейдегі аудиожүйемен әр нотадан ләззат алыңыз. Жүйеге үш режим кіреді. Жеке - басқа жолаушыларға кедергі келтірмей, бас тіреуіш арқылы дыбыс шығарады. Жүргізу режимінде музыка навигациялық ескертулермен үзілмейді. Жалпы - патенттелген көлемді дыбыс шығару Logic7 технологиясының арқасында қуатты дірілдермен салонды толтырады.
Салонды жарықтандыру
Сіздерге автокөліктің бүкіл салонын қамтитын әлемдегі алғашқы динамикалық жарықтандыруды ұсынуға қуаныштымыз. Ол динамикалық өзгерістері бар 72 түрлі түсті ұсынатын 95 жарық диодты жолақтан тұрады. Жарықтандыру Сіздің сапарыңызға тамаша көңіл-күй сыйлай отырып, музыкамен оңай үндестіріледі.
Алдыңғы әйнектегі AR-дисплейі
Алдыңғы әйнекке арналған инновациялық шешім - кеңейтілген шынайлылықтың үлкен 25,6 дюймдік проекциялық дисплейі (AR). Ол 20 түрлі пайдалы хабарландырулар мен навигациялық нұсқауларды алдыңғы әйнекке шығаруға қабілетті. Бұл көз алдына қажетті ақпаратты бере отырып, жүргізушінің жайлылығы мен қауіпсіздігін толықтырады.
Құрылғыларды зарядтау
Орталық консольде зарядтау интерфейсі бар үлкен бөлік қарастырылған. Өзіндік жарықтандыруы бар USB порты тәуліктің қараңғы уақытында пайдалануға ыңғайлы және қуаты 18 Вт жылдам зарядтауды қолдайды. Үш Type-C порты, Type-A порты, 12 вольттық розетка және сымсыз құрылғы аксессуарларды қосу мүмкіндіктерінің кең спектрін ұсынады.
Автоматты екі аймақтық климат бақылау
Автокөлік үнемі қолмен араласуды қажет етпейтін температураны автоматты түрде реттейтін климаттық бақылаумен жабдықталған. Екі аймақтық формат жүргізушіге және алдыңғы жолаушыға температураны өз ыңғайына қарай реттеуге мүмкіндік береді. Артқы жолаушыларға арналған ауа өткізгіштер салондағы климатты біркелкі бөлуге көмектеседі.
Технологиялар
Бүгіннен бастап болашақты Geely Atlas-пен қарсы алыңыз
Ықшам модульді архитектура (CMA) енді стандартты жиынтыққа кіреді. 1.5T және 2.0T қозғалтқышы сенімділікті көрсетеді, ал 7DCT сезгіш трансмиссиясымен бірге автомобиль озық басқаруды қамтамасыз етеді. Круиз-бақылау және интеллектуалды көмек жүйесінің арқасында болатын жүргізудің қарапайымдылығына Сіздің көңіліңіз толады. Бос жүрістегі шусыз жұмыс технологиясы (барлығы 39 децибел) салондағы тыныштықты қамтамасыз етеді. Atlas - кез келген саяхаттағы сенімді серігіңіз!
Модульдік CMA архитектурасы
Жинақы СМА модульдік архитектура платформасы ZF, Goodyear, Bosch, ІТТ және т.б. еуропалық жетекші жеткізушілермен бірлесе реттеуші шеберлер командасымен құрылды. Платформа озық функционалдылық пен қауіпсіздік саласындағы үздік әзірлемелердің артықшылықтарын біріктіреді. CMA бұл модельді қазіргі заманғы көмек жүйесімен жабдықталған люкс классындағы басқа көліктермен салыстыруға мүмкіндік береді.
Жоғары өнімді Drive-E қозғалтқышы
Қозғалтқышты қытайлық инженерлер еуропалық мамандармен бірлесіп әзірлеп, баптады, бұл жоғары тиімділік пен тұрақтылық алуға мүмкіндік берді. Ол Ward's нұсқасы бойынша үздік 10 қозғалтқыштың тізіміне енді. Цилиндрге тікелей бүрку технологиясы отынның толық жануын, тұрақты шығу қуатын, ең аз діріл мен жоғары үнемділікті қамтамасыз етеді. 3 минуттың ішінде жылынуы Drive-E-ні қысқа мерзімде жұмысқа дайын етеді. Atlas екі қозғалтқыш нұсқасымен жеткізіледі: 1,5T көлемі 174 ат күшін және 290 Нм ең жоғары айналым сәтін береді. 0-ден 100 км/сағ дейін жылдамдатылуы 9,7 секундты құрайды. 2.0T көлемі 325 Нм ең жоғары айналым сәтімен 218 ат күшінде одан да көп қуат береді. 0-ден 100 км/сағ дейін жылдамдатылуы 8,2 секундты құрайды.
7DCT трансмиссиясы
7 DCT трансмиссиясы - бұл ылғалды типтегі екі тіркесі бар жеті сатылы беріліс қорабы. Оның қуаттылығы нөлдік қателікке жақын, ал пайдалы әрекет коэффициенті (ПӘК) өз классындағы ең жоғары - 98% құрайды. Берілістерді 0,2 секундта жылдам ауыстырып қосу жүргізуді неғұрлым серпінді және тартымды етеді. Автоматты қораптармен салыстырғанда, отынды 10% деңгейінде үнемдеу трансмиссиямыздың айтарлықтай тиімділігін көрсетеді.
Жиналатын электр жетегі бар сыртқы айналар
Электр жетегі бар шанақ түстес айналар автомобиль бұғатталған кезде автоматты түрде жиналады, содан кейін кроссовер іске қосылған кезде ашылады. Жылыту функциясы әсіресе суық күндері пайдалы, ол айналардың қатуын немесе булануын жояды.
Қауіпсіздігі
Нығайтылған шанақ
Қауіпсіздік деңгейі жоғары корпус аэроғарыш классының 7-сериясындағы (Al-Zn-Mg-Cu) алюминий қорытпасынан жасалған арқалық бампермен нығайтылған. Аса берік қорытпа кәдімгі болатпен салыстырғанда 50-70% жоғары соқтығысу энергиясын сіңіру коэффициентіне ие. Үшқатарлы соққыға қарсы арқалықтар автомобильдің алдыңғы бөлігін күшейтеді. Соққыға қарсы элементтің блогы соқтығысу кезінде қорғанысты қамтамасыз етеді. Алдыңғы бойлық арқалықтың конструкциясы автомобильдің еніне тең және қысылуға төзімділікті қамтамасыз етеді. Шатыр автомобильдің салмағынан 5 есе асатын жүктемені көтере алады.
Қауіпсіздік жастықтары
Біз Atlas-ты соқтығыс болған жағдайда сенімді қорғауды қамтамасыз ететін алдыңғы және бүйірлік қауіпсіздік жастықтарымен жабдықтадық. Қауіпсіздік перделері жүргізуші мен жолаушылардың басын және денесінің жоғарғы жақтарын қосымша қорғайды, салонға шынылар мен металл сынықтардың түсуін болдырмайды.
Күннен қорғайтын күнқағарлар
Қараңғы сүзгісі бар қосымша шыны күнқағары шолуды сақтай отырып, күннен қорғайды. Ол ультракүлгін сәулесінен 100% қорғайды және күн сәулесінің 6% -ын ғана өткізеді. Көлеңкелеу әсерін күн көзінен қорғайтын көзілдірік тағумен салыстыруға болады, жарқын күндерде жайлылық пен қауіпсіздікті қамтамасыз етеді.
9.3 нұсқасындағы BOSCH тұрақтандыру электрондық жүйесі
Жүйе қуатты аз тұтынатын және есептеу жылдамдығы анағұрлым жоғары жоғарыөнімді төрт ядролы процессормен жабдықталған,. Тұрақтандыру 10 функцияны қамтиды: ABS, EBD, HBA, TCS, EBP, VDC, HHC, HAZ, EPB, AUTOHOLD. Олар кроссоверді басқару мен қауіпсіздікті кешенді қамтамасыз етуді қалыптастырады.
Бейімделген круиз-бақылау
Бейімделген круиз-бақылау автоматты түрде алда келе жатқан көлікке байланысты автокөліктің жылдамдығын реттейді. Жүйе тұрақты жылдамдықты 30-дан 150 км/сағ аралығында ұстауды қамтамасыз етеді. Рульдегі батырмалардың көмегімен іске қосылады, басқыштарды үнемі басуды қажет етпейді, бұл әсіресе жүргізушіге алыс қашықтықтарға жүру кезінде көмектеседі.
AEB-P Жаяу жүргіншілер алдындағы автоматты шұғыл тежеу
Жеңіл және жүк автомобильдерін, мотоциклдерді, велосипедтерді және жаяу жүргіншілерді таниды. Егер жүргізуші басқыштарды басып үлгермей, соқтығысудан құтыла алмайтындай болса, жүйе автомобильді автоматты түрде тежеуді іске қосады.
LDW - Қозғалыс жолағынан шығу туралы ескерту
Автомобильді қозғалыс жолағында ұстап қалуға көмектесу жүйесінің (LKA) бір бөлігі болып табылады. Автомобильдің жылдамдығы 60 км/сағ-тан асқан кезде жүйе автоматты түрде іске қосылып, жолақ бойынша қозғалыс сызығын қадағалайды. Монокулярлы камераның көмегімен 150 м шегіндегі таңбаларды таниды. Егер автомобиль аңдаусыз жолағынан ауытқыса, жүйе бұл туралы аспап экранының, дыбыс сигналының және руль дөңгелегінің дірілінің көмегімен хабарлайды.
Алыс жарықты басқарудың IHBC интеллектуалды жүйесі
IHBC жүйесі жақын және алыс жарық арасында тиімді ауыстырып қосуды ұсынады. Бір немесе қарама-қарсы бағытта келе жатқан көлік құралдарына дейінгі қашықтыққа автоматты түрде жауап береді. Жұмыс диапазоны 40-тан 150 км/сағ жылдамдықты қамтиды, бұл жолда түрлі жағдайларда тиімді жұмыс істеуге мүмкіндік береді.
Жол белгілерін тану TSI
TSI технологиясы жылдамдық шектеулерін интеллектуалды түрде қамтуды ұсынады. Белгілер туралы ақпарат тиімді ескертулер түрінде ұсынылады. Бұл жол қозғалысы ережелерін бұзғаны үшін айыппұл алу ықтималдығын төмендетуге мүмкіндік береді.
Бағалар мен конфигурациялар
COMFORT
максималды пайданы ескерілген баға
PREMIUM
максималды пайданы ескерілген баға
PREMIUM
максималды пайданы ескерілген баға
FLAGSHIP
максималды пайданы ескерілген баға